(يابو حسن) غشام ماهو على الكيف=عيّا يحـول لـو ربطنـا  الحمامـه 


يقول ابقعـد بالهضـاب  المقاييـف=قد هـج منـي ماحسـب بالسلامـه 


يقـول ابقعـد بالبـراد  الهفاهيـف=اخيـر مـن قصـرٍ عليّـه اردامـه 


مبرقعٍ راسـي ومربـوط  ومخيـف=ولاشفت عنـدك يالحويفـي كرامـه 


بالبر انتف ناعـم الريـش  تنتيـف=آكل طري الهبـر واتـرك اعظامـه 


وعندك على جلمد بعيرٍ تقـل  ليـف=ياخـذ بحلقـي شدتـيـنٍ وقـامـه 


والبق ياخـذ لـه عليّـه تصانيـف=وحتى الدجاج يهوزني بـه  حدامـه 


ياطيـر تكـذب يـاردي المعاريـف=ماجـاك منّـا يالمفضّـح  مـلامـه 


غداك من هبر البكـار  المشاعيـف=اللي كبـر رجـم (النميري)سنامـه 


مرباعها خضر الفيـاض المطانيـف=ترعى من (الشملي) ليا خشم  (رامه) 


انشد (عريفج) يوم احسب المصاريف=شهد ووقـع لـي ببسـرة  بهامـه 


واجبك نركض به مثل واجب الضيف=لا واخسـارة حذفـتـي للعمـامـه