لو كل رجلٍ ينقـل الطيـر صقـار=كـان الصقـاره ماتغيـر سنعهـا 


مير الصقاره تختلف فيها الافكـار=وهذا سبب عيب الطيور  ووجعهـا 


الطير له عنـد الصقاقيـر مقـدار=عند الرجال اللـي حقيقـه ولعهـا 


وإلا الغشيم يخلـي الطيـر بـوار=يشري من العالم ويدمـر  سلعهـا 


ولا تامنه لا يشوي الصقر  بالنـار=كلمة (مثل) كـلٍ بسمعـه سمعهـا 


يقوله اللي ماذكـر شـي ماصـار=ابيـات موجـز للجريـدة دفعهـا 


توجهت لمراقـب الشعـر مسيـار=امـا نشرهـا صـح وإلا  منعهـا 


واللي يبي يأخذ مع الوضع  مشوار=يمكن يجاريهـا وينسـاق  معهـا 


وتصير وجهة رأي مابيـن شعـار=واهداف موضوع القصيده جمعهـا 


وان كان ماناسب هدفها  للاحـرار=صارت يتيمـه مستواهـا قطعهـا 


اخطت هدفها واختفت عنها الانظار=واللي درس موضوعها  مارفعهـا 


وكان اعترضها من هلّ الشعربيطار=يعيش من شاف الفتـوق ورقعهـا