ياطير يوم اشريـك مـن حـر مالـي=ابغى الشبب بأسفل شغايا  (غنيجـان) 


جسمك كبير وجوهـر القلـب خالـي=مأنته مثـل ماقـال ليّـه  (بعيجـان) 


ليا نطـت الارنـب يصيبـك اجفالـي=خسران من يرجي العشاء منكـخسران 


يقـول لا جـاء بالمجالـس  مجالـي=استـر علـي الله يجازيـك باحسـان 


اوصلنـي الشعبـان واطلـق حبالـي=بأرضٍ بها حـروة جـراذي  وفيـران 


ماريـد شـوف ام الآذان  الطـوالـي=اللي صفـار عيونهـا تقـل حـوذان 


واما الحبـاري مابهـن لـي  مدالـي=ويطير قلبـي مـن عيـون الكـروان 


مير اترك الموضوع واستـر  خمالـي=الله يخلـي لـك محمـد  وسلـمـان 


قلـت انثبـر لامـا تهـب  الشمالـي=تقلعك عنـي يـم صنعـاء  ونجـران 


مـا للـردي عنـدي مقـام وجلالـي=لا صار ماتفعل مثـل فعـل (راكـان) 


اللي مضى وانتـه مخاشـر  عيالـي=اقطع لك الهبرة وهـم بـس عظمـان 


مـن اولٍ عنـدي حشيـمٍ  وغـالـي=واليـوم قـدرك عندنـا مثـل  (....)