لا شفت لك مغرور يضحك على الناس=تـراه مايسـوى المغفـل  لبـاسـه 


لا تمنعـه شيمـه ولا يمنعـه بـاس=بعض العقول يصير فيهـا  التماسـه 


يرى بنفسه مثـل عنتـر  وجسـاس=وعند المره مايقطع السيـف  راسـه 


ولو الرجوله وزنهـا قـدر وقيـاس=مـازاد عـن مثقـال ذره  قيـاسـه 


من غرته نفسه حصد زرع الأفـلاس=الـزود ينقـص لا يغـره احساسـه 


والكبر للي قدرتـه تحيـي الانفـاس=عـلاّم مابصـدور جنـه  ونـاسـه 


الناس تفرقهـا الطبايـع والاجنـاس=فيهـم سبـاع وبـالاوادم بسـاسـه 


المجد للـي سمعتـه ترفـع الـراس=وإلا الـردي فرعـه يعـوّد لساسـه 


كثر التجارب بينن غيـب  الارمـاس=وعرفت مثمون الذهب مـن  نحاسـه 


عليك بالطيب ليـا صـرت عسـاس=طلق الحجاج اللـي بقربـه  وناسـه 


اللي ليا مسك مـن الوقـت مسـاس=ينعشك من طيـب المـروه  وباسـه 


وإلا الردي لو شام للطيـب ينحـاس=الطيـب كايـد مايجـي بالطفـاسـه